Manolah den tau pasa fail fail nii.

Kek sekulah dulu mano den ado blaja ini semuo.

Tampi, ado pemimpin smo pegawai negaro yang mungkin minat sistem fail ini, untok menjago kepontingan peribodi masing-masing.

Ado den tebacho kek satu Blog, kato Blogger eiy...

Pegawai simpan fail pasal Bos. Bos pulak simpan fail pasal pegawai.

Nak buek apo?

Ado la sobap eiy.

Sobap itu macam mano bangang pon keduo-duo nyo, tak do sapo kono buang kojo dor.

Ado urang tanyo den, cam mano pulak tu?

Mano den tau.

Agak den gini haa.

Pegawai dapek tau dio nak kono buang kojo dek Bos eiy. Dio pon jumpo Bos, dio ulor salinan fail simpanan eiy kek Bos tu.

Lopeh itu solambo yo dio bolah.

Bos pon tekobel=kobel mato eiy nengok macam-macam cito ado kek dalam fail tu, gambar memacam posisi pon ado!

Jadi, dio pon tak jadi lah buang Pegawai itu.

Ado di lain maso pulak, Pegawai nak buek aduan supayo Bos dio dibuang kojo.

Samo gak!

Bos lak tunjok salinan fail Pegawai itu.

Jadi, habeh cito duo-duo nyo. Den sekoresy your back, you sekoresy back den!!!

Nan tak habeh cito becito Rakyat la kan?

Rakyat betanyo apo pasa duo-duo bangang nii dari tahun 1950an sampai 2009 masih tak ponah kono buang kojo.

Itu la namo eiy, Sistem Fail 1Malaysia.

Harap den, fail den sapo pon tak simpan yo.

Dalam fail den ado resepi Gulai Lomak Cili Api jo...